人類偏肺病毒感染

6月29日

晉晉早上起床後有幾聲咳，體温稍高，到晚上37.5度, 給他食了退燒藥。

6月30日

晉晉早上起床後38.x度，又再給他食退燒藥，book了看醫生。醫生說晉晉感冒，開了藥給他。晉晉整天都維持在37.x度，但十分精神。

7月1日

晉晉於清晨5點幾發出呻呤聲，一看之下，發現他身體好似火爐般熱，探熱後竟然是40度高燒。使唔使同佢去醫院呢？即時給他食退燒藥，並幫他沖涼降溫，降至38.x度，暫時唔使入院。晉晉整日都唔係好肯食野，又唔肯飲嘢，好難退燒，一直都很反復，在37.x - 39 之間徘徊。

7月2日

晉晉早上起身又再40度高燒，我們已有心理準備要同佢入院。老公話先再同佢睇醫生，亦同時收拾行裝，如果醫生建議入院，我地就可即時去醫院。睇完醫生，都係唔建議入院，因為：

1. 晉晉不是持續高燒不退

2. 醫院很多細菌

醫生今次開了抗生素及塞肛退燒藥，希望幫到晉晉。

晉晉通常早上情況比較好，可能因為有飲奶，又肯食麵包或通粉，但中午過後就不飲不食，不能散熱。4:30pm食了抗生素同高燒退燒藥都冇進展，仍然39度，於是5:30pm同晉晉塞肛，如果一小時內都冇好轉跡象，就要入院了。卒之塞肛後退到37.x度，亦肯食麵包同飲奶，臨瞓前更退至36.x度，即時鬆一口氣。不過我地都冇掉以輕心，9pm再同晉晉食多次退燒藥先瞓覺, 以防佢半夜翻燒。

7月3日
很無奈，晉晉半夜1am又燒返40度, 我地即時叫醒晉晉，幫佢沖涼降溫及食退燒藥，並決定同佢即時去養和。睇左急症，醫生見佢呼吸有d急促，即時照肺，有少少花 - 肺炎，不過不太嚴重。醫生建議留醫，原本想request 半私家，冇房，只有大房available. 姑娘帶我地去病房樓層，叫我地幫晉晉沖涼，並再次塞肛。去到醫院不夠2小時，已可上病房。晉晉上到病房仍算精靈，第一時間搞病床上的電視。

之後姑娘帶晉晉去檢查室抽鼻液同喉嚨分泌物檢查，並在晉晉手上＂種豆＂，以方便注射藥物。晉晉喊得好凄涼，不停望住自己隻手點解會被紥住？晉晉卒之喊到倦極而睡。

隔了一會，姑娘再來幫晉晉打抗生素針，探過熱，已經退燒了。

因為我不能請假，於是老公就白天陪晉晉，我去返工，放工後就輪我陪夜晚。中午時分，老公話可以轉半私家房。因為晉晉不食不飲，醫生建議要吊盬水及葡萄糖水，以供應水份及營養。於是，晉晉就隨身多了一個吊水架。

到了晚上，晉晉又開始有高燒跡象，姑娘立即俾退燒藥晉晉食。醫生話要穩定地退燒至少24小時，先可考慮出院。醫生確定晉晉是感染了人類偏肺病毒，是一隻頗普通但強的病毒。尚欠喉嚨種菌報告要等48小時先有。

7月4日

晉晉整天都冇發燒，下午開始肯食少許通粉同飲奶，醫生檢查完話晉晉好轉中，晩上應該可以停止吊水，出院在望。不過仍要等喉嚨種菌報告。晉晉因為冇再發燒，精神了很多，超活躍。

7月5日

晉晉已有平時食量的一半。晚上醫生巡房，話晉晉星期日應該可以出院，但佢建議住多一晚，星期一先出院，因為晉晉咳時仲有痰聲，希望抗生素可以打針打埋星期一，為一個療程。晉晉的喉嚨種菌報告已出，並沒有發現其他病毒。

7月6日
晉晉在醫院精神很好，主要都是食、瞓、玩，在病房樓層走廊來回穿梭。不過醫生話都係盡量留在病房好d，以免感染其他病菌。

7月7日
晉晉終於可以出院喇!  醫生叮囑出院仲要食多4日藥, 包括抗生素, 再要返去診.  傍晚5:30pm 打多一次抗生素針, 就拾行裝離開.  晉晉好乖肯戴口罩, 又同姑娘bye bye (佢最怕見到姑娘, 因為要打針食藥, 梗係同姑娘bye bye啦啦!)

返到屋企, 成個生猛晒!

人類偏肺病毒 (Human Metapneumovirus)

究竟什麼是人類偏肺病毒?  衛生署衛生防護中心網頁 (http://www.chp.gov.hk/tc/content/9/24/12284.html) 有以下資料提供:

病原體

人類偏肺病毒是一種單鏈的核糖核酸病毒，可在任何年齢人士引致急性呼吸道感染。病毒於二零零一年被首次發現後，於世界各地亦有發現。人類偏肺病毒感染於冬末或初春較為常見。

病徵

人類偏肺病毒一般影響兒童。但成年人尤其是長者及抵抗力弱的人士亦會受感染。人類偏肺病毒在兒童患者中會引致不同嚴重性的病徵，如發燒、咳嗽、呼吸困難或氣促。有些兒童或會出現中耳炎、腹瀉、嘔吐、出疹及發燒抽筋。在成年人中，人類偏肺病毒通常會引致輕微的疾病，病徵包括咳嗽、聲音沙啞、流鼻水及痰多。

傳播途徑

病毒可經由直接接觸傳染性的分泌物而傳播。

潛伏期

潛伏期一般為三至五天。

治理方法

現時，人類偏肺病毒感染並沒有特定的治療方法，患者需留意補充水份。在較嚴重的情況下，患者可能需要氧氣及呼吸機輔助。

預防方法

現時，並沒有疫苗可預防人類偏肺病毒感染，市民應採取一般預防呼吸道感染的措施：

• 增強抵抗力有助預防感染。應保特均衡飲食、恆常運動、充足休息，避免過度緊張和避免吸煙。
• 維持良好的個人及環境衞生。
• 打噴嚏或咳嗽時應掩着口鼻，並妥善清理口鼻排出的分泌物。
• 打噴嚏、咳嗽、如廁後和進食前應洗手。
• 保持室內空氣流通及避免前往人多擠迫、空氣流通情況欠佳的地方。
• 患者應避免接觸兒童或抵抗力弱的人士。

退燒藥原來有分幾種, 多得朋友Mureen提點, 要留意以下用藥組合:
1. Panadol / Paracetamol 藥水或塞
2. Ibuprofen “橙色“藥水
3. Voltaren (diclofenac) 塞
1+2 同時用ok
1+3 同時用ok
2+3 不能同時用

39.5已可以塞voltaren (diclofenac)

最後，希望晉晉身體健康，唔好再受咁嘅苦喇！