常寧綠茵全日pn班offer (3)

今日常寧綠茵有聖誕party open to public, 於是我又同晉晉再去學校查詢多一點詳情，以便加深了解。

冬天校服$885一套，包括運動服一套，校褸一件（可分拆二件），T-shirt 二件，褲一條，書包一個。通常校服每二年先要買一次，而書包冇爛就不用換。

PN班沒有雜費，連生日會都包埋，K1開始有書簿雜費，$1,7xx半年。

影了pn全日班schedule:

全日班有獨立課室，有一個英文老師（net), 普通話老師，一個廣東話老師幫忙。

每天有工作紙帶回家，知道小朋友在學校學了什麼，亦可方便父母在家同小朋友溫習。K1下學期最後2個月先開始有shadow writing.

全日班午睡不用自己提供床單及被，只需預備枕頭，冬天家長覺得唔夠被，可以自己加。返學要換鞋，預備一對白鞋放在學校。

學校會開窗。

二樓Playground

小朋友進食地方

今日再同校長Maggie傾談，見到其他老師同嬸嬸，都有笑容同nice, 我對呢間學校有d改觀。

寶康公園

成日都話要同晉晉去寶康公園玩，因為聽聞話呢個公園好啱小朋友，終於昨天下定決心，下午同佢去見識一下。

我們由寶琳新都城經疊翠軒行過去。嘩！真係好大地方呀！好多玩樂設施分散不同位置，有好多小朋友玩。晉晉第一眼就見到佢至愛的轉轉，見到其他小朋友玩邊個佢就埋去爭玩，仲推開大個佢的小朋友。唉，我家的小暴龍真恐怖！

本來玩緊低嗰個

見到其他小朋友玩又要去爭

阿仔，你都唔夠高玩！

其實今次去寶康公園最主要目的係打鞦韆，於是就捉佢去玩。都估到佢一定唔肯玩，都要逼佢玩了一陣，因為晉晉實在太細膽了。我相信晉晉試多幾次，應該會ok的。

當我們離開的時候，還見到草地上有小型帳篷，好似露營野餐一樣，又幾有心思喎！