常寧綠茵INTERVIEW
首先是常寧綠茵INTERVIEW, 時間是早上10AM. 同晉晉食完早點, 我們就出發了. 去到學校門口, 嘩! 咁多人嘅? 唔好DELAY呀! 如果唔係趕唔切翠茵INTERVIEW呀! 原來只不過係10AM INTERVIEW的小朋友在門外等候夠鐘入學校, 剛巧撞到隔鄰Ashley同佢daddy, 都係同一時間INTERVIEW.
入到學校, 老師帶我們分批去到唔同課室等候, 只可一個家長陪小朋友在課室玩, 有好多大塊LEGO. 跟住有外籍老師入來CIRCLE TIME, 之後輪到普通話老師講故事. 雖然晉晉未試過普通話的活動, 不過佢似乎都好有興趣, 但我們的位置離老師比較遠, 又比其他小朋友行出來遮住, 所以佢睇唔到呀! 而且隔離個媽咪好大聲同個仔講嘢, 搞到連我都冇心機參與.
CIRCLE TIME完畢, 就在課室等候單獨面試. 今次INTERVIEW的老師係NET, 晉晉雖然有上英文PLAYGROUP, 當然仍然係唔識聽啦, 咪我翻譯囉. 老師叫晉晉疊LEGO, 佢邊識呀, 佢淨係識疊積木; 老師叫晉晉俾LEGO佢, 晉晉冇反應, 不過佢突然將LEGO俾DADDY, 我梗係即刻同老師講啦! 之後更奇怪的事 – 晉晉竟然CLEAN UP LEGO呀! 老師見到讚佢叻呀! 隨後老師問了我們一些晉晉日常生活的問題, INTERVIEW就完結了.
見完都係11AM (我們還讓晉晉在學校玩多一會), 於是帶晉晉去了連理街公園玩, 順便食午餐, 準備12PM見翠茵.
新寶城翠茵INTERVIEW
去到翠茵, 首先入一間課室一邊玩, 一邊等候. 跟住老師帶一班小朋友同家長去另一個課室, 由NET帶領CIRCLE TIME. 之後再去另一個課室個別面見. 老師有叫晉晉入圖型，不過是梯型，晉晉當然是唔識啦！另外都有問我們晉晉平時的生活情況，interview就完結了。
由翠茵行出門口, 晉晉已疲倦到連行路都瞓著, 好在一早叫DADDY返上樓拎BB車, 等晉晉可以午睡, 而我們就出發到尚德食LUNCH, 再去梁省德開放日.
梁省德OPEN DAY
梁省德並不是我們心儀的學校, 因為離家比較遠, 交通不便, 如不是今年報名情況太恐怖, 我都不會考慮這間了. 已收到這間學校的面試信, 所以趁今日開放日就來參觀一下吧.
到了學校, 晉晉都醒了, 但不在狀態. 學校不大, 但都很整潔, 與老師傾談, 老師都很友善及回答我們的問題. 課室亦展示了各級教材及有一些玩具給小朋友玩, 晉晉當然是給玩具車迷倒了. 逗留一會, 我們就回家了.
一切都留待11月23日面試後再考慮啦!
沒有留言:
張貼留言