Dora the Explorer LIVE – Search for the City of Lost Toys

自從同晉晉坐完郵輪, 發覺晉晉很喜歡看音樂劇, 可以坐定定睇到眼都唔貶, 返香港後我就搜尋有什麼兒童音樂劇, 可以帶晉晉一齊去睇, 多一個親子節目, 擴闊晉晉的眼界. 第一個可以睇的音樂劇就是 Dora the Explorer LIVE – Search for the City of Lost Toys.

其實我同晉晉都不認識Dora同其他角色, 因為晉晉都冇睇過Dora TV. 不過冇所謂啦! 至在參與, 感受氣氛. 我地睇的場次係7月13日 (星期日) 上午11am, 全長1.5 hrs, 中間有15 mins 小休. 我都唔知道晉晉能否有耐性睇足全場架.

知道音樂劇之前有pre-show party, 所以我同晉晉就早d去到會場. Pre-show party其實是會場外有些攤位給小朋友玩. 包括, Face Painting, 扭波波, 大型泡泡表演. 去到第一件事, 就係用$40買了營光棒給晉晉, 然後給他在會場外的波波佈置前影相. 之後帶晉晉去睇大型泡泡表演, 晉晉睇到好開心, 見其他人發出讚嘆聲, 佢又大聲”嘩!”, 又拍手! 之後我地就進入會場準備睇SHOW喇!

音樂劇故事講述主角Dora遺失了最愛的teddy bear玩具, 而Dora需要觀眾的幫助, 運用計算, 音樂, 定向同語言技能 ( 當然仲有星星營光棒), 通過City of Lost Toys 玩具迷城的挑戰, 尋回teddy bear.

晉晉當然唔知道音樂劇內容, 但我見佢睇得好投入, 不時揮動營光棒, 到最後一幕Dora尋回teddy bear, 晉晉見到台上有好多玩具, 佢仲手舞足蹈呀!


後記:

今次音樂劇我買了最平的票, 座位在樓上, 仲要不是面向舞台. 當然, 想慳d錢係原因之一, 因為怕晉晉睇到半路中途扭計, 就要離場了. 但睇完今次音樂劇, 我就覺得我買平的票是對的:

1. 小朋友至在参與, 並不需要睇得太清楚
2. 太接近舞台, 音響太大聲, 會嚇怕小朋友
3. 樓上的座位比較寬敞, 我坐第一行, 前面有通道, 晉晉可以不時出去行下亦不會阻礙其他觀眾

今次成功帶晉晉睇音樂劇, 我會再接再厲同佢睇多d, 下一次將會係8月31日 “迪士尼音樂劇之三大經典童話”. 期待中…

寶康公園

成日都話要同晉晉去寶康公園玩，因為聽聞話呢個公園好啱小朋友，終於昨天下定決心，下午同佢去見識一下。

我們由寶琳新都城經疊翠軒行過去。嘩！真係好大地方呀！好多玩樂設施分散不同位置，有好多小朋友玩。晉晉第一眼就見到佢至愛的轉轉，見到其他小朋友玩邊個佢就埋去爭玩，仲推開大個佢的小朋友。唉，我家的小暴龍真恐怖！

本來玩緊低嗰個

見到其他小朋友玩又要去爭

阿仔，你都唔夠高玩！

其實今次去寶康公園最主要目的係打鞦韆，於是就捉佢去玩。都估到佢一定唔肯玩，都要逼佢玩了一陣，因為晉晉實在太細膽了。我相信晉晉試多幾次，應該會ok的。

當我們離開的時候，還見到草地上有小型帳篷，好似露營野餐一樣，又幾有心思喎！

油塘大本型

今日帶了晉晉到離家不太遠的油塘大本型.

油塘大本型是油塘最新的大型商場.  碰巧商場有萬聖節的佈置, 於是同晉晉拍了一些照片.

 



跟著我們到了太興食lunch, 然後晉晉就午睡去.  待他醒了, 我們就到商場的空中花園, 設有兒童遊戲設施及休憩空間.

晉晉至愛的噴水池, 他圍著噴水池不停兜圈

晉晉騎馬仔

 

可惜天公有點不做美, 下了一陣雨, 晉晉都未玩完就要走了, 唯有下次再去過吧.


地址: 油塘高超道38號（油塘港鐵站A出口）

坑口文曲里公園

晉晉日漸長大, 我們都想帶他多點到戶外地方走動, 決定由所住地區開始 – 坑口文曲里公園.

公園採用綠化及傳統中式園林為主題，園內有石景佈置、中式庭園及園池景色.

晉晉最喜歡就是在園池看魚魚, 你們看他看得多開心及投入!

 

交 通
港鐵：鄰近坑口港鐵站B2出口 。
途經巴士：91M、98D、297、692、798、E22A 及E22S號路線巴士 。

設 施
這個佔地1.9公頃的公園，設有戶外人造草地滾球場，共有六條球道，每條球道在任何時間最多可容納八名球員。

該公園亦設有中式庭園、有蓋廣場及長者健體園地。

開 放 時 間
每日上午七時至晚上十一時。