寶康公園

成日都話要同晉晉去寶康公園玩，因為聽聞話呢個公園好啱小朋友，終於昨天下定決心，下午同佢去見識一下。

我們由寶琳新都城經疊翠軒行過去。嘩！真係好大地方呀！好多玩樂設施分散不同位置，有好多小朋友玩。晉晉第一眼就見到佢至愛的轉轉，見到其他小朋友玩邊個佢就埋去爭玩，仲推開大個佢的小朋友。唉，我家的小暴龍真恐怖！

本來玩緊低嗰個

見到其他小朋友玩又要去爭

阿仔，你都唔夠高玩！

其實今次去寶康公園最主要目的係打鞦韆，於是就捉佢去玩。都估到佢一定唔肯玩，都要逼佢玩了一陣，因為晉晉實在太細膽了。我相信晉晉試多幾次，應該會ok的。

當我們離開的時候，還見到草地上有小型帳篷，好似露營野餐一樣，又幾有心思喎！