健明幼兒學校interview

今日同晉晉去建明幼兒學校INTERVIEW, 地點位於調景嶺健明邨, 時間11:30AM.

我們大約11:15AM到達, 首先在大堂一邊玩, 一邊等候. 學校亦展示了各班級的教學工具, 原來他們也有蒙特梭利的教材.

等到11:45AM, 老師就叫我們到課室面見. 老師俾波波及汽車晉晉玩, 叫他碌波波及車俾返老師, 不過晉晉可能仲病緊, 所以呢兩件佢平時好鍾意的玩具, 佢都冇反應. 跟住老師問我們晉晉的自理能力:
- 懂得自己吃飯? --＞ NO
- 懂得自己/示意去大小便?  --＞ 當然NO (有冇搞錯? 都未夠1.5歲就識?)
- 瞓覺是否要人陪 --＞ NO

老師再問, 如果晉晉在這間學校讀書, 邊個湊返學放學?
我: 父母
老: 你們不是要上班嗎?
我: 這間學校不是可以延展至6PM嗎?
老: 係可以到6PM, 不過我們不建議, 因為小朋友見其他同學已經放學, 剩低他們留下, 他們會害怕的

面試完畢, 老師說要出年5/6月才知結果. 我怕聽錯了, 再問一次, 仍然是一樣的答案.

我以為我不大喜歡常寧綠茵, 點知建明給我的印象更加差, 明明是邨校, 卻在扮私校, 不建議遲放學, 即係叫我們請工人先好讓晉晉在你們學校讀啦? 11月INTERVIEW, 卻要等到出年5/6月先有結果? 即係唔收啦? 否則點解唔等到出年個小朋友比較大先見?

收我都唔會俾晉晉讀!