維景灣幼兒學校 - 育嬰院

今日收到維景灣幼兒學校 - 育嬰院電話, 話已經留左個位俾我BB, 8月或9月入學. 因為超多人排隊, 以為冇希望啦, 竟然有位, 真係喜出望外!

你們會問, BB未出世喎! 育嬰院? 返學? 講什麼呀?

沒有搞錯, BB將會5月出世, 8月或9月入學 – 育嬰院.

其實當初有了BB, 想過幾個方案, 出世後誰去照顧他:
1. 請外籍傭工 – 最普遍的做法, 不過實在不願家中多了一個陌生人(24小時呀)
2. 奶奶湊 – 怕老人家年紀大, 難照顧小孩, 亦怕為了照顧方法不同而起衝突
3. 請本地EE在家中做家務及照顧BB - 費用超貴

無意中發現了原來有育嬰院, 可讓2歲以下的BB入讀, 大肚5個月就可以申請, 而其中一間更加在將軍澳區, 就是維景灣幼兒學校. 打電話到學校查詢, 約了時間參觀 (剛巧就是大肚夠5個月)及即時遞交申請表.

參觀完畢, 發現原來現時的育嬰院同以前的托兒所大不同, BB在學校除了食和睡覺外, 會定時有不同的活動, 如大小肌肉訓練, 聽音樂及講故事時間, 訓練自理能力等. 而每個BB都會有本手冊, 學校每天會紀錄BB的生活情況, 方便父母了解. 而且學校的環境及衛生都不錯, 2歲以下的BB會獨立一間課室, 不會與其他較大的小朋友接觸, 以免他們患病時感染BB.

同老公商量後, 覺得這是一個好的選擇, 雖然每月都要$5,XXX學費, 但會是令我放心交予照顧BB的地方, 因為有正式監管嘛!

報名後, 隔了一陣子, 育嬰院打電話來話輪候的隊伍都頗長, 建議我們先想其他辦法照顧BB. 其實我們都打定輸數, 已經搵到一個EE幫手照顧 (不過要放在她家), 準備今個星期六落訂金. 所以收到電話有位, 真是不能置信!

期待8月BB返育嬰院的日子!